personal Branding artical

في حاجة مش هتعرف تعمل personal branding من غيرها

هي رسالتك في الحياة او في الشغل

ودا موضوعنا انهاردة ......

بس يعني ايه personal Branding ؟

 

الـ personal branding هو حاجة مهمة لأي حد عندة business أو واحد بيدور على شغل جديد….

 

لكن علشان نفهم يعني ايه personal branding احنا محتاجين نعرف يعني ايه brand

 

يعني ايه brand.؟

 

الـ brand مش logo

الـ brand مش slogan

الـ brand مش فلاير والحاجات دي

الـ brand مش الwebsite ومش الكلام اللي بتقوله للعميل

 

الحقيقية هي ان الـ brand هو الكلام اللي الناس بتقوله عن الشركة بتاعتك وانت مش موجود

 

هو الانطباعات والمشاعر اللي الناس بتحسها لما تفتكر اسم الشركة بتاعتك

فلما بنيجى نعمل branding لشركة بتقولهم كدا

تخيل معايا لو الشركة بتاعتك دي شخص هيبقي عامل ازاي

تخيل معايا لو الشركة دي بني أدم حقيقي هيتكلم ازاي

هيلبس ايه,يفكر ازاي , الـ tone of voice بتاعة هي كلم الناس ازاي .. وهكذا

 

الفرق بين ال Brand و ال Personal branding

 

المشكلة دي مش موجودة في الـ personal branding

لان هنا احنا بنتكلم على شخص< فمش محتاجة ان نحول الـ brand لشخص

بس في مشكلة تانية

لما يكون الشخص نفسه مش محدد الـ brand بتاعة، يعني مش محدد هو مين بظبط ورايح فين بظبط

الشخص نفسة مش محدد رسالته في الحياة او في الشغل

ودي المشكله اللي عايزين نحلها النهاردة

 

لو عندك فرصه تكتب إجابات الخمس الاسئلة دي اكتبها ونفكر فيهم سوا

 

1-ايه الحاجات اللي بتخليك سعيد ؟

 

يعني مثلاً .. ممكن تقول الأصحاب , النجاح , الخروجات , لما بشتغل واحس اني منتج.

 

2- ايه المواضيع او القضايا اللي انت مهتم بيها في الحياة ؟

 

زي قضايا الفقر , قضايا حقوق المرأة , ازاي الناس بتعمل business بشكل ناجح

او بشكل فيه امانه, فكر في المواضيع والقضايا اللي تهمك في الحياة عموماً واكتبها

 

3-ايه الحاجات اللي لو انت عملتها هديلك معنى للحياة ؟

 

وتحس انك عملت حاجة ليها معنى وعملت حاجة عظيمة في الحياة.

 

4- ايه الحاجات اللي بتحفزني اشتغل او اعمل حاجة , ايه الحاجات اللي بتخليني اصحى الصبح احس اننا عندي مهمه اني انا اروح الشغل , أو متشوق اعمل حاجة النهاردة ؟

 

ممكن يكون النجاح او التقدير.

 

5- ايه القيم اللي بنسبالي مهمة ؟

 

اكتب list طويلة من القيم دي علشان عايزين نرتبها حسب الأولويات

زي قيمة العائلة و الصداقة قيمة الصدق … وهكذا , اكتب كل القيم اللي تيجي في بالك.

 

طيب ايه اللي هنعمله بالاجابات دي ؟

 

1- رتب ال values بحسب الأولوية

 

بعد ما كتبت كل الاجابات دي , حط الـ values بتاعتك حسب الاولوية

طلع اكتر 3 قيم انت مهتم بيهم وحطهم حسب الاولوية في اول الصفحة

 

2- اكتب ال passions بتاعتك

 

بعدها علطول اكتب الـ passions بتاعتك وانا قاصد اقول passions

يعني مش passion واحدة لأن الشائع ان انت عندك شغف لحاجة واحدة بس

وعندك حاجة واحدة بس بتعملها بحب .

الحقيقة انا مش مع الرأي دا اوي

انا شايف ان ممكن يكون عندك كذا حاجة تعملها بحب , عندك كذا حاجة مستعد تعملها من غير ما تاخد فلوس لان انت بتحب تعملها و دي حاجة طبيعية جدا.

اكتب بقا كل الـ passions اللي عندك سواء personal او professional

يعني مثلا انت بتحب السفر, دي حاجة شخصية مش شغلك ,لكن اكتبها زي مثلا, انا بحب اجمع طوابع , اكتبها بردة

اكتب كل الحاجات اللي انت شايف ان انت بتحبها وعايز تعملها حتى لو مش هتاخد عليها فلوس.

 

بعد ما كتبت كل إجابات الاسئلة اللي فاتت, اعمل الاتي….

 

1- ارسم علامة x كبيرة جدا في ورقه فاضيه

 

حرف الـ X عبارة عن خطين .. خط اكتب علية كل الـ passions وكل القيم وكل القضايا اللي تهمك .

والخط التاني اكتب علية كل المواهب اللي عندك كل القدرات كل حاجة انت شايف نفسك شاطر فيها .

ونقطة التقاطع بين الخطين دول المفروض تكون الرساله بتاعتك

يعني

هتطلع كل المواهب والقدرات وتشوف كل المواهب و القدرات ازاي تقدر تحل ازاي القضايا والمشكلات اللي أنا مهتم بيها و ازاي اقدر اعمل كدا مع الحفاظ على اكتر 3 VALUES انا طلعتهم

ايه الحاجات اللي انا اقدر اعملها مواهبي وقدراتي تقدر تعمل تغيير في المواضيع اللي أنا مهتم بيها , هي دي نقطة الرسالة بتاعتك .

ممكن تقولي انا اصلا مش عارف مواهبي وقدراتي

في موقع ظريف اسمه sixteen personalities عليه test بسيط هيطلعلك نوع من انواع الشخصيات اللي انت تنتمي ليها

ومن خلاله تقدر تكتشف المواهب والقدرات بتاعتك.

 

تقدر تشاركنا بالنتيجة اللي وصلتلها في كومنت

 

ايه اللي ممكن تعملة لو انت Already عارف رسالتك في الحياة بس مش عارف تقدمها ازاي للناس ؟

 

ممكن تقولي انا اصلا عارف الرسالة بتاعتى

انا عارف الـ mission ومحددها ,لكن ازاي اقدمها للناس

وازاي الناس تحس ان دي حاجة مهمة المفروض يهتموا بيها

هو ماله ومال الـ mission بتاعتي ليه يهتم بيها

هقولك على فكرة واحدة في الموضوع لكن فعالة جدا

هديلك مثال من البيزنس بتاعي مش علشان هو مثالي , لكن عشان دا اقرب مثل لذهني

هقولك على طريقتين للتقديم وانت قولي علي انهي طريقة احسن

 

- اول طريقة احنا بنعمل خدمة اسمها الاستشارات التسويقية

علشان نعمل الخدمة دي , احنا مجمعين فريق من الناس الـ professional في الـ marketing بيطبقوا نظريات الـ marketing الحديثة علشان نساعدك تعمل business الناس تحبه.

 

- تاني طريقة احنا دورنا نساعدك تعمل business الناس تحبه احنا فريق من الناس الـ professional في الـ marketing وبنطبق نظريات الـ marketing الحديثة علشان نقدم لك خدمة اسمها الاستشارات التسويقية.

 

*انهى طريقة احسن , اظن كلنا هنقول الطريقة التانية

 

والحقيقية اني قول في الطريقتين نفس الكلام,بس رتبت الكلام بشكل مختلف

بدأت بالهدف بالـ why

الـ why دي لازم تكون related بالعميل

لازم يكون فيها direct benefit للعميل فائدة رايحة للعميل

ودا مبدأ ظريف عملو واحد اسمه simon sinek

 

الموضوع مش بيقف بأنك تكون حددت الرسالة بس

هقولك على حاجات كدا اعتبرها تدريب نعملها مع بعض الفترة الجاية

انا اعملها وانت تعملها

 

ازاي تحول رسالتك في الحياة لأسلوب حياة بشكل عملي

 

1- حدد 3 صفات في الشخص اللي انت عايز تكونه

 

اكتب الـ3 صفات دول في الموبايل في reminder وخليه يرن كل يوم في معاد معين ثابت

فلما تشوف الـ reminder فتفتكر الـ3 صفات اللي عايزهم يكونوا فيك.

 

2- حاجة تانية بلاش جلد الذات

 

ايه جلد الذات دي

يعني بلاش نفضل نلوم نفسينا اوي لما نكون ماشيين في الـ mission بتاعتنا والحاجة مطلعتش زى ما احنا متوقعين

انا مش بقول ان الواحد ميحاسبش نفسه

لا لازم نحاسب نفسنا ونشوف العيوب فين ونصلحها وهكذا

بس جلد الذات هي حاجة سلبية

انك تلوم نفسك لدرجة أنك تسيب الرسالة بتاعتك انك تلوم نفسك لدرجة أنك تقول لأ ,انا مش مؤهل كفاية اني اعمل الرسالة دي وهكذا .

 

3- اكتب الصوره اللي عايز توصلها في الاخر

 

تخيل معايا قبل ما تطلع معاش عايز توصل لإيه في شغلك وفي حياتك ولما تحدد الصورة النهائية

أو المثالية دي ابدا ارجع بالسنين لورا

طيب علشان اوصل للصورة دي المفروض

قبليها بـ5 سنين اكون وصلت لإيه؟

قبليها بـ 10 سنين المفروض اكون وصلت لإيه ؟

قبليها بـ 20 سنين المفروض اكون وصلت لإيه؟

لحد ما توصل ان المفروض السنه الجيه لازم اكون مخلص كذا وكذا

علشان اقدر اوصل للصورة المثالية دي

هتلاقي نفسك عندك اهداف للسنادي والسنه الجايه مطلوب منك تخلصها علشان توصل للحلم الكبير في اخر عمرك

 

احنا كدا خلصنا الـ mission وكان لازم نتكلم عليه بشكل منفصل لأن ببساطة هو دا البراند اللي انت هتسوقله

فحدد الـ mission كويس علشان تعرف تعمل personal branding كويس

اسأل نفسك كدا .. بعد ما حددت الـ mission

هل انا في المكان الصح؟

هل اللي بعملو انهاردة واللي بعملوا كل يوم يعتبر خطوة ناحية الشخص اللي انا عايز اكونه في المستقبل ؟

اجابات الاسئلة دي هتحددلك ازاي تغير الـ behavior والـ action والـ tasks بتاعت كل يوم عشان توصل للشخص اللي انت عايز تكونه

 

ابعتلنا اسئلتك عن ال personal Branding في كومنت

 

واسمع ال podcast من هنا

 

https://www.youtube.com/watch?v=8IelHXJftk8&list=PL8Bff7yIFImHWwnhFezr6Z6gRf9g1Sgst&index=6&t=277s